"Salta a Ra...porque quere algo máis"

E finalmente chegou o momento de levar a escena a pequena obra de teatro negro sobre banda sonora (as dúas cousas de creación colectiva). Costoulles moito traballo andar polo pequeno escenario do cole sen tropezar uns con outros. Máis de vinte persoas, a escuras, vestidos de negro... Pero pagou a pena. Mirade se non...

BANDA SONORA DO CONTO DA RA

No Santo Paio, o 6º curso creou colectivamene unha historia a partir de sons explorados e gravados por eles mesmos. Unha vez rematada a historia decidimos representarla coa técnica do Teatro Negro, para o cal tivemos que facer unha banda sonora cos elementos sonoros que motivaron á historia, e tamén outros que xurdiron dela.
Estos son os vídeos das tomas dos sons en bruto.
A RA, a nosa protagonista



Tamén producimos mecánicamente os sons da charca onde ela vivía



ata que apareceu un MAIO brillante, precioso...



o río leva ao mar...



e comeza a chover e desátase a tormenta



volve a saír o sol e a nosa RA evapórase...



Ao esvarar por un arco da vella, ¿sabedes onde caiu? Na súa charca...
E volta a empezar...

O MAIO DE LAREDO

Para celebrar a chegada da primavera e do bó tempo, en moitos lugares de Galicia se celebra a festa dos Maios. Concretamente en Redondela, trátase dunha festa moi popular que se celebra por todo o alto cada 1 de maio. Nesta festa constrúense os Maios , verdadeiros monumentos á primavera, e cántanse cancións e coplas satíricas  No CEIP. de Laredo quixemos celebralo tamén  disfrazándonos, facendo o noso propio Maio con cartón, plástico, cartolinas, papel pinocho,..., cantando unha cantiga tradicional do Maio e inventando as nosas propias coplas adicadas a todos os colexios do Concello de Redondela. E para fin de curso, estamos preparando novas copliñas para adicarlle...a todos os mestres/as do colexio de Laredo!!!!

Celebramos o maio

Ao longo do pasado mes de abril, no CEIP Outeiro das Penas, o alumnado de 6º estivo preparando unha actuación sobre os maios que se celebrou no multiusos da xunqueira xunto coa participación doutros centros do concello de Redondela. A parte disto, algunhas clases do 2º e 3º ciclo estiveron traballando as coplas de maios que nesta ocasión tiveron a súa temática centrada en diferentes aspectos referidoos ao centro. Podedes ver os videos de uns e outros a continuación.

Os cantos de labor

Dado que é unha temática un tanto agochada, os cantos de labor ou tamén chamados de oficios foron un tipo de cantos que realizaban persoas de diferentes profesións con diferentes finalidades como é entreter durante o traballo, para acompasar os movementos de cada traballo ao son da música... Así, o alumnado foi que de representar algún destes cantos cos seus movementos. Aquí vos mostramos o traballo que se fixo no Outeiro das Penas arredor deste tema.

Alumnos de 1ºA representando un canto de labor.

Alumnos de 3ºA representando un canto de labor.

Alumnos de 3ºA representando un canto de labor.

Alumnos de 2ºB representando un canto de labor.

Alumnos de 3ºA representando un canto de labor.

Alumnos de 2ºB representando un canto de labor.

Alumnos de 2ºB representando un canto de labor.

Alumnos de 3ºA representando un canto de labor.

Alumnos de 2ºB representando un canto de labor.

Alumnos de 1ºB representando un canto de labor.

OS OFICIOS: Afiador e Paraugüeiro

No Santo Paio investigamos un pouco sobre este oficio doutros tempos, de menos consumo e máis reutilización. Nin os paraugas nin os coitelos eran de "usar e tirar", e tiñan que durar en condicións moitos anos. Estes artistas en quitar a ferruxe dunha navalla ou cambiar as variñas dos paraugas, ían de aldea en aldea.  Para que se soubese que chegaban tocaban o chifre, un aerófono de madeira feito por eles mesmos. Algúns eran verdadeiros virtuosos. Nós construímos un con palliñas de refresco:



Tamén nos enteramos de que polo visto os máis famosos son de Ourense: "A terra da Chispa". Aprendemos o retrouso da popular pandeirada do Afiador de Fuxan Os Ventos

OS OFICIOS: OS CANTEIROS

 Antigamente, como non había grúas, nen camións, nen coches,..., os CANTEIROS que traballaban arrancando pedra dos montes, tiñan que carrexar eles as enormes pedras que tallaban. Para iso só contaban coa súa forza e coa de moitos outros compañeiros de oficio.
 Cando tiñan que baixar unha pedra do monte, facíana rodar e empuxábana entre unha morea de persoas. Para aunar as súas forzas e sincronizar os empurróns, cantaban cancións e axeitaban os seus pasos e esforzos ao ritmo das mesmas.

  Nós collimos unha destas cancións de Canteiros e a traballamos con distintos xogos rímicos.

GALOS E GALIÑAS

Cos alumnos/as de 1º, collimos un poema de Ana María Fernández e musicámolo. Despois o escenificamos en dous grupos e  así nos quedou

"Fabricamos" son de gotas ...con pequenos recipientes de vidro.

No 3º curso do Santo Paio probamos facendo soar bocas de botellas de diferentes tamaños. Conseguimos sons parecidos as gotas de chuvia caendo sobre diferentes obxectos...inda que algúns sons parecíanse moito aos...¡¡¡FOGUETES!!! Escoitade:

A PRIMAVERA CHEGOU!!!!

Para darlle a benvida á primavera, os alumnos/as de 5º fixeron un musicograma de imaxes da obra de Antonio Vivaldi " A Primavera" ( 1º movemento). Mirade que bonito lles quedou!

Interpretamos pezas musicais inspiradas na auga, 6º curso Santo Paio

GOTAS DE LLUVIA
Hugh Shrapnel 

En 6ºA, interpretamos a peza deste compositor contemporáneo. Pode ser interpretada por diferentes fontes sonoras con cinco alturas de son por cada un delas. Tamén existe a posibilidade de elixir placas e traballar con cinco sons da escala, que é o que fixemos.

SEA REFRACTION (fragmento)

Mitchell Peters

En 6ºB, adaptamos a esta obra para marimba inspirada no fluxo das ondas do mar. A obra orixinal é para ser interpretada por un percusionista con catro baquetas. Nós convertémola en peza para catro voces.

Música do entorno

Open publication - Free publishing - More entorno

Danza de Palitroques no Festival de Panxoliñas de Nadal, Santo Paio de Abaixo

Este ano os sextos cursos quixemos aprender unha das catro danzas que adoitan interpretar os Ranchos de Reis: a de Fitas, Castañolas, Arcos e Palitroques.

Neste caso tocamos e danzamos unha Danza de Palitroques recollida polo musicólogo redondelán Casto Sampedro e Folgar no seu "CANCIONERO MUSICAL DE GALICIA".

Cantamos os reis e aguinaldos.

Tendo en conta que os cantos de reis e aguinaldos tiveron moita importancia e repercusión en tempos anteriores, e están tan presentes como agochados no noso entorno, dende o CEIP de Outeiro das Penas de Cesantes quixemos que o alumnado compartira estes cantos polas diferentes clases. Aquí mostramos un pequeno resumo destes cantos. Para ver todos os videos, fai clic aquí.

Os alumnos de E.I. de 5 anos cantando "alerta pastores" aos nenos de 1º A e 1º B.

Os alumnos de 2ºA cantan a canción de "alerta pastores" aos alumnos de 5ºB.

Os alumnos de 3ºA e 3ºB cantan a canción "día de reis" aos alumnos de 6ºA.

Os alumnos de 6ºA  cantan a canción "muxicas no ceo..." aos alumnos de 3ºA.